Жамсрандоржийн Дэлгэрсайхан нь эдийн засагч, Доктор, профессор бөгөөд эдийн засагч, санхүүч, эрх зүйч мэргэжилтэй. Сургалт, судалгааны байгууллагад багш, судлаачаар ажилласан. Мөн бизнес, санхүүгийн байгууллагад гүйцэтгэх захирал, зөвлөх, ТУЗ-ийн гишүүнээр ажилласан туршлагатай. Дэлгэрсайхан нь Ерөнхий сайдын дэргэдэх эдийн засгийн бодлогын зөвлөл, МҮХАҮТ-н дэргэдэх эдийн засгийн бодлогын зөвлөл, СЗХ-ны мэргэжлийн зөвлөлийн гишүүнээр ажиллаж байсан. Одоо Төсвийн Тогтвортой байдлын зөвлөлийн гишүүнээр ажиллаж байна. Тэрээр макро эдийн засаг, төсөв, мөнгөний бодлого, уул уурхайн салбарын чиглэлээр голчлон судалгаа шинжилгээний ажил хийдэг бөгөөд бодлогын судалгаа, төслийн удирдлагын “КатоВест менежмент” ХХК-ийг үүсгэн байгуулагч.