Бат-Эрдэнийн Хулан нь Монголын Санхүүгийн Шинжээчдийн Нийгэмлэгийн Ерөнхийлөгч, Удирдах зөвлөлийн гишүүн юм. Тэрээр банк санхүү, хөрөнгө оруулалт ба тогтвортой санхүүгийн чиглэлээр олон улсын хөрөнгө удирдлагын салбарт 14 жил ажилласан туршлагатай. Б.Хулан нь HSBC Investment Funds, Notz Stucki Europe, болон Waystone зэрэг байгууллагуудад ажиллаж байснаас гадна Люксембургийн их сургуульд ESG хөрөнгө оруулалтын хичээлийн туслах профессор, мөн Kaplan Financial Paris-д CFA хөтөлбөрт багшилж байжээ. Тэрээр сүүлийн хугацаанд уур амьсгалын салбар дахь хөрөнгө оруулалт, холбогдох эдийн засгийн бодлого боловсруулахад анхааран ажиллаж байна.